នៅរសៀលថ្ងៃអង្គារ ៧រោច ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី ០៥ ខែមករា ឆ្នាំ២០២១ ។

ឯកឧត្តម ងី ច័ន្ទ្រផល រដ្ឋ​លេខា​ធិ​កា​រក្រសួង​មហាផ្ទៃ ប្រធានសម្របសម្រួលគម្រោង និងជាប្រធានគណៈកម្មាធិការតម្រង់ទិស​គម្រោង​លាភ បានអនុញ្ញាត្តអោយក្រុមការងារនៃក្រុមហ៊ុនផលិតវីដេអូរខ្លី ស្តីពីសមិទ្ធិផលរបស់គម្រោងលាភ នៅការិយាល័យសម្របសម្រួលគម្រោង ក្រសួងមហាផ្ទៃ។ ក្នុងបទសម្ភាសន៍ ឯកឧត្តម បានមានប្រសាសន៍ថា គម្រោងលាភមានចរិតការងារអភិវឌ្ឍ​ជនបទ វាជាការងារអភិវឌ្ឍមូលដ្ឋាន ជាការងារអភិវឌ្ឍ​កសិកម្ម​ ធនធានទឹក​ និងឥណទាន​ព្រមទាំងមុខរបរផងដែរ អញ្ជឹងហើយបានជាគម្រោងនេះមានគណៈកម្មាធិការតម្រង់ទិសមួយដែលមានសមាសភាពមកពីគ្រប់ស្ថានប័នពាក់ព័ន្ធ​ទាំងអស់ ដើម្បីជំរុញឲ្យ​ចេញនូវអ្វីដែលរដ្ឋាភិបាលបានដាក់ចេញ និងក្រសួងវិស័យនិមួយៗបានដាក់ចេញរួចហើយ។ ដូច្នោះហើយបានជាគម្រោងនេះសម្របសម្រួលឡើងដោយក្រសួងមហាផ្ទៃ ពីព្រោះយើងចង់ពង្រឹងអាជ្ញាធរខេត្ត​ ក្រុង ឃុំ/សង្កាត់គាត់អាចគ្រប់គ្រងការងារអភិវឌ្ឍន៍​មូលដ្ឋានបានដោយខ្លួនឯង ។